Չեխիայի Տուրնով քաղաքի ոստիկանությունն արդեն 2 ամիս է, ինչ փորձում է գտնել անհայտ տղամարդուն, ով հասարակական վայրերում պարում է, սակայն առանց հագուստի: Այս մասին հաղորդում է Չեխական ռադիոն:
«Մերկ պարողը», ոստիկանության տվյալներով, թաքնվում է հեծանվային ճանապարհների երկայնքով ձգվող թփուտներում, իսկ երբ այնտեղով կանայք կամ աղջիկներ են անցնում, դուրս է թռչում իր թաքստոցից, վազում վախեցած զոհերի մոտ, 1-2 պարային շարժում անում և կրկին թաքնվում: Սակայն կանանց դիպչելու փորձեր նա չի անում: «Պարողը» կրում է միայն սպորային կոշիկներ, գլխարկ և արևային ակնոց:
Տուրնով քաղաքի ոստիկանության պետ Միլան Դրագոնովսկին կարծում է, որ պարող խուլիգանը «շրջապատի համար վտանգ չի ներկայացնում, քանի որ զոհերին ոչ մի վնաս չի պատճառում, բացի բարոյականից»:
Ոստիկանությունում արդեն 150 զայրացած կանայք բողոք–դիմում են ներկայացրել: Եթե ոստիկանությանը հաջողվի պարողին գտնել, նրան սպառնում է 2500 կրոն (130 դոլար) տուգանք:
