The Beatles խմբի մասնակից Ջոն Լենոնի՝ բրիտանացի թագուհի Եղիսաբեթ II-ին հասցեագրված նամակի սևագրությունը գնահատվել է 60 հազար ֆունտ։ Այս մասին հայտնում է CNN-ը։
Պատճենի տերը նախընտրել է գաղտնիություն պահպանել։ Նա գտել էր սևագիրը սկավառակի ծրարում, որը գնել էր այլ սկավառակների հետ զեղչով՝ 10 ֆունտով։
Նամակում Լենոնը բացատրել էր թագուհուն Բրիտանական կայսրության շքանշանից իր հրաժարվելը։ Երաժիշտը որոշել էր վերադարձնել պարգևը՝ ի նշան բողոքի Վիետնամում ԱՄՆ գործողություններին Լոնդոնի աջակցության, նիգերիական քաղաքացիական պատերազմում Լոնդոնի ներգրավվածության և հիթ շքերթներում իր Cold Turkey երգի թուլացող դիրքերի։
Նամակի պատճեն գնահատել են Լիվերպուլում՝ The Beatles Story ցուցադրության ժամանակ։
