Իրանական Tasnim լրատվական գործակալության փոխանցմամբ՝ Իրանի Իսլամական հեղափոխության պահակազորը մշակել է «մահապարտ անօդաչու թռչող սարք», որն ունակ է պայթուցիկ հասցնել ցամաքում կամ ծովում գտնվող թիրախներին։
Նորաստեղծ ԱԹՍ-ի հիմնական նշանակությունը ծովային հետախուզությունն է, դրանք զինված չեն հրթիռներով։ Եվ այնուամենայնիվ, դրանք կարող են բեռնվել պայթուցիկ նյութով՝ մարտական առաջադրանքների ժամանակ «ինքնապայթեցման» համար։
Պայթուցիկով բեռնված ԱԹՍ-ը, թռչելով ցածր բարձրության վրա՝ ջրի մոտով, կարող է բախվել թիրախին և ոչնչացնել այն՝ լինի դա նավ, թե ցամաքում գտնվող կառավարման կենտրոն։
Հաղորդվում է, որ ԱԹՍ-ը կարող է ջրի վրայով սլանալ 250 կմ/ժամ արագությամբ ինչպես 0.5, այնպես էլ 900 մետր բարձրության վրա։ ԱԹՍ-ն ունի տեսախցիկ, այն կարող են կառավարել ինչպես ցերեկը, այնպես էլ գիշերը։ ԱԹՍ-ի թռիչքի հեռավորությունը կազմում է 1000 կիլոմետր, իսկ թռիչքի տևողությունը՝ մոտ 4 ժամ։
