Այսօր՝ հոկտեմբերի 26-ին, «Էքսպո Ռուսաստան- Հայաստան- Իրան» արդյունաբերական ցուցահանդեսում լրագրողների հետ զրույցում ԲՀԿ նախկին առաջնորդ Գագիկ Ծառուկյանը հիշեցրեց, որ ինքը 2015թ. գարնանը հեռացել է քաղաքականությունից, քանի որ չէր ուզում, որ արյուն թափվեր. «Ես ուզում եմ անձամբ ես պատասխանեմ: Դուք բոլորդ էլ հիշում եք, որ ես 2015թ. փետրվարի 12-ին ես ելույթ ունեցա, տեղեկացրի իմ ժողովրդին, իմ թիմակիցներին, իմ համակիրներին, որ եթե պետք է արուն թափի իմ ժողովրդից, մատից արյուն թափվի, ես դրան դեմ եմ, ես դա թույլ չեմ տա: Եթե ես եմ կազմակեպել, ժողովուրդն ինձ հավատում ա, իմ հետեւից գալիս ա, հավատում ա, ուրեմն ես իրավունք չունեմ թույլ տամ, որ արյուն թափվի: Գիտեք՝ հասունացել էր, դա արդեն հեղափոխություն էր, հեղափոխությունն առանց արուն չի լինելու, իսկ ես քաղաքականություն չեմ մտել, որ իմ ժողովրդից արուն թափվի»:
ԲՀԿ նախկին առաջնորդը նշեց, որ, որ ինքը ժողովրդի կողքին է եղել միշտ, փորձել է օգնել: «Մենք մի ազգ ենք մի ժողոովւրդ և ունենք մեկ հայրենիք և պետք է բոլորս համախմբենք Հայաստանի շուրջ»:
Գագիկ Ծառուկյանը չհերքեց, որ առաջիկայում կրկին կվերադառնա ակտիվ քաղաքականություն:
«Ես երկու տարի քաղաքականության էջը ծալել եմ, բայց իմ ժողովրդի հետ եմ, պետության հետ եմ… Եթե անհրաժեշտություն լինի, եթե կարկառուն քաղաքական գործիչները չեն կարում առաջ տանեն, պահանջարկը լինի, թեկուզ ես դրա կարիքը չունեմ, քանի որ ես արդեն ունեմ հարգանք, ճանաչում, զբաղմունք, էնպես չի, որ քաղաքականություն մտնեմ, ճանաչում ձեռք բերեմ, կամ հեղինակություն, կամ գործ, եթե անհրաժեշտությունը լինի, դրա կարիքը լինի, հնարավոր ա, որ փակված գիրքը, ծալած էջը բացվի:
Ուզում եմ բոլորին տեղեկացնել՝ ինչքան մարդը հզոր ա, ուժեղ ա, բարի ա, այնքան ներող ա և կամեցող ա: Թող ամբողջ հանրությունն էլ բոլոր քաղաքական գործիչներն էլ իմանան՝ Ծառուկյանը նենգ մարդ չի, ներող ա, բարի ա»:
«Ներե՞լ եք հանրապետականներին Ձեզ այդքան վիրավորելու համար»,- «Առաջին լրատվական»- ի այս հարցին ի պատասխան Գ. Ծառուկյանը նշեց. «Ես բոլորին ներում եմ: Պետք է արյուն թափվեր, հեղափոխությունն առանց արյան չի լինում: Մարդ կա բացթողում է ունեցել, մարդ կա…, բայց կարևորը՝ բոլորին էլ պետք է հնարավորություն տաս, շանս տաս, միայն ուժեղ մարդը կարող է դա անել: Ես մոռացել եմ դրանք բոլորը»:
Մանրամասները՝ տեսանյութում:
