Վերջերս Կրեմլը նոր լուսանկար է հրապարակել, որտեղ Պուտինը ձկնորսության ժամանակ ջրից հանում է 21 կիլոգրամանոց գայլաձուկ: Իհարկե, որոշ ռուս ընդդիմադիրներ, բլոգերներ սկսեցին պնդել, որ նման ծանր ձուկը լողալ չի կարող և վայրկենապես կհայտնվեր ջրի հատակում: Այդ մասին գրում է Der Spiegel-ը:
«Իհարկե, այդ դեպքում բավարար է հիշել գերմանացի Լոթար Լուիսին, ով 1986թ.-ին 25կգ-անոց ձուկ էր որսացել: Եվ իհարկե, այդ դեպքում հաշիվը 1:0 է՝ հօգուտ Պուտինի»,- նշում է թերթը:
Բայց ահա թե ինչն է տարօրինակ՝ Պուտինի սերը իր լուսանկարները համացանցում տեղադրելու նկատմամբ: Երբեմն նա լուսանկարվում է զենքը ձեռքին կամ կենդանիների կողքին կանգնած: Երբեմն նախագահը ավելի վտանգավոր բաներ է անում, օրինակ՝ սուզվում է Բայկալ լճի հատակը: Բայց ամենաշատը ռուս նախագահը սիրում է լուսանկարվել մերկ իրանով: Միշտ, երբ եղանակը թույլ է տալիս, նախագահը հանում է վերնաշապիկը:
Թերթը հարցադրում է կատարում՝ իսկ այդ բոլոր լուսանկարները վկայո՞ւմ են Պուտինի սեռական կողմնորոշման մասին: «Գուցե Պուտինը համասեռամո՞լ է, քանի որ սովորաբար առնականության նման չափի լուսանկարներ համասեռամոլներն են փակցնում իրենց բնակարանի պատերին»:
«Այն, որ Պուտինը պնդում է, թե դեմ է համասեռամոլությանը և բացարձակապես չի ընդունում այն, ընդհանրապես ոչինչ չի նշանակում: Ընդհակառակը՝ հոմոֆոբիան ոչնչով չի տարբերվում ֆոբիաների մյուս տեսակներից»,- ընդգծում է Der Spiegel-ը:
Թերթը նշում է, որ որքան մեծ է վախը, այնքան շատ է մարդը զբաղվում իր կողմից հիվանդագին ընդունվող թեմայով:
Իսկ, ինչպես հայտնի է, Պուտինը հունիսի վերջին օրենք էր ստորագրել համասեռամոլության քարոզը արգելելու մասին:
