Daily Mail-ի փոխանցմամբ՝ բրազիլացի ոստիկանները Սան Պաուլուում իրականացրած ռեյդի ժամանակ բնակելի տան նկուղում հայտնաբերել են մահճակալին կապված տղամարդու։
Իրավապահների վարկածով՝ 36-ամյա Արմանդո դե Անդրադին հոր և խորթ մոր պատրաստած բանտում անցկացրել է 20 տարի։ Երբ իրավապահները հայտնաբերել են բրազիլացուն, նրա ձեռքերի ու ոտքերի եղունգները եղել են բավական երկիր, իսկ մորուքը հասել է ծնկներին։
Ականատեսների վկայությամբ ոստիկանները նրան նկարագրել են որպես հյուծված մարդ։ Սենյակը, որում նա գտնվել է, չի ունեցել ո՛չ պատուհան, ո՛չ արհեստական լուսավորություն, իսկ հատակը ծածկված է եղել կղանքով։
Ոստիկանապետ Սելսո Մարկիորին հայտարարել է, որ երբ իրենք հայտնաբերել են Անդրադիին, նա չի ասել որևէ բառ և անգամ չի կարողացել հասկանալ, որ գործ ունի ոստիկանների հետ։ Մարկիորիի խոսքերով՝ դժվար է հավատալ, որ տղամարդը 20 տարի անցկացրել է նկուղում։
Ընդգծվում է, որ Անդրադին կորել է 16 տարեկան հասակում։ Այն ժամանակ նա եղել է սովորական երիտասարդ և տարված է եղել սքեյթբորդով, կիթառ է նվագել։ Նրա անհետացումից հետո հայրն ու խորթ մայրը հայտարարել են, որ երիտասարդը մեկնել է Բրազիլիայի այլ շրջան, և որ նրա մոտ ամեն ինչ կարգին է։
