ԱՄՆ Կոնգրեսում փակ ճեպազրույցի մասնակիցն առաջարկել է կարգավորել սիրիական ճգնաժամը՝ Սիրիայի նախագահ Բաշար Ալ-Ասադին սպանելու միջոցով։ Այս մասին հաղորդում է Foreign Policy-ն՝ վկայակոչելով իր աղբյուրներին։
«Իսկ ի՞նչ կասեք Ասադի սպանության մասին»,– մեջբերում է պարբերականը նրա խոսքը։
Հարցն ուղղված է եղել Մերձավոր Արևելքի հարցերով Սպիտակ տան նախկին համակարգող Ֆիլիպ Գորդոնին։ Պարբերականը նշում է, որ այս «նախաձեռնությունը» թյուրըմբռնում է առաջացրել միջոցառման մասնակիցների մոտ։ Գորդոնը մերժել է այն՝ որակելով որպես հակաօրինական և անարդյունավետ։
«Դա ապօրինի է և ամեն դեպքում ոչինչ չէր փոխի, քանի որ Ռուսաստանը և Իրանը կշարունակեին շահեր ունենալ Սիրիայում»,-ասել է Գորդոնը։
Նշենք, որ հանդիպումը տեղի է ունեցել անցած շաբաթ։
