Մեծ Բրիտանիայի կառավարությունը բժիշկների (ընդհանուր 42 հոգի), սարքավորում և առաջին անհրաժեշտության ապրանքներ կուղարկի Իրաք՝ Մոսուլի բնակիչներին օգնելու համար, որոնք ստիպված են եղել լքել քաղաքը ԴԱԻՇ-ից ազատագրելու գործողության հետ կապված: TASS-ի հաղորդմամբ՝ այս մասին կիրակի հայտարարել է Բրիտանիայի միջազգային զարգացման հարցերով նախարար Փրիթի Փաթելը:
«Մոսուլի ազատագրումն ուժեղ հարված կլինի ԴԱԻՇ-ին, որը տարածքներ է վերահսկում հյուսիսային Իրաքում: Սակայն մինչև մեկուկես մլն մարդ դեռ ապրում է քաղաքում, և քչերն են կասկածում, որ մենք մարդկանց զանգվածային տեղափոխման վկա կդառնանք: Նրանց պաշտպանությունն առաջնային առաջադրանք է»,- ասել է Փաթելը:
Գերատեսչության մամլո ծառայությունում տեղեկացրել են, որ հումանիտար կարիքների համար հատկացվել է 14 մլն ֆունտ սթերլինգ (17,1 մլն դոլար)՝ օգնելու համար մոտ 66 000 մարդու, որոնք ստիպված են եղել լքել քաղաքը:
