Քաղավիացիան «Պոբեդա» ավիաընկերությունից դեռևս հայտ չի ստացել

«Քաղաքացիական ավիացիայի գլխավոր վարչությունը դեռևս հայտ չի ստացել ավիաընկերության կողմից թռիչքներ իրականացնելու հետ կապված։

Կարող եմ ուղղակի ասել, որ կառավարությունը նախատեսում է ակտիվացնել Գյումրիի օդնավակայանի գործունեությունը բյուջետային ավիափոխադրողների ներգրավման միջոցով։

Հիմա այդ ուղղությամբ աշխատանքներ են տարվում, երբ որ դա լինի և արդեն արդյունքներ լինի, այդ մասին տեղեկատվություն կտրամադրենք», – առանց այլ մանրամասներ հաղորդելու՝ «Առաջին լրատվական»-ի հետ զրույցում նշեց Քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը՝ անդրադառնալով Ռուսաստանի օդային տրանսպորտի դաշնային գործակալության այն հայտարարությանը, որ «Պոբեդա» ավիաընկերությունը, որը ներառված է «Աէրոֆլոտ» խմբի մեջ, դեպի Գյումրի թռիչքներ կատարելու թույլտվություն է ստացել։

Հիշեցնենք, որ ավելի վաղ այս մասին հաղորդել էր Gazeta-ն՝ վկայակոչելով Ռուսաստանի օդային տրանսպորտի դաշնային գործակալության հայտարարությունը։

Տեղեկության համաձայն՝ ավիաընկերությունը դեպի Գյումրի թռիչքներ կիրականացնի շաբաթը 7 օր։