Ամերիկյան քարոզիչ Հարոլդ Քեմփինգը, որը աշխարհի հերթական վերջը նշանակել էր Երևանի ժամանակով 07:00-ին, կարծես կրկին սխալվեց: Սա 89-ամյա հոգևորականի երկրորդ խոշոր տապալումն է:
Նա պնդում էր, որ մայիսի 21-ին Հիսուս Քրիստոսը նորից կներկայանա մարդկանց և ահեղ դատաստան կիրականացնի: Քեմփինգի խոսքերով, ճիշտ օրը որոշել նրան թույլ է տվել աստվածաշնչյան տեքստերի վերծանումը: Նա պնդում էր, որ Աստվածաշունչը 70 տարի շարունակ ուսումնասիրելուց հետո հատուկ մաթեմատիկական մեթոդ է մշակել, որը թույլ է տալիս վերծանել սուրբ տեքստերը:
Ըստ Քեմփինգի` աշխարհի բնակչության միայն 2%-ն է փրկվելու այդ դատաստանից հետո: Որպես աշխարհի վերջի նշաններ նա թվարկել է այնպիսի երևույթներ, ինչպիսիք են սուտը, չարը և սեռական այլասերումները. «Նույնիսկ նույնասեռականների իրավունքների համար պայքարը մեզ ուղարկված է Աստծո կողմից որպես աշխարհի վերջի նշան», ասել նա:
Վերջին անգամ Քեմփինգը աշխարհի վերջը «նշանակել էր» 1994թ. սեպտեմբերի 6-ին: Այս մասին հաղորդում է RBC-ն:
