«Ոտքի՛, Հայաստան» նախաձեռնության անդամ Դավիթ Հովհաննիսյանի կալանքը որպես խափանման միջոց երկարացնելու հետ կապված հայցը բավարարվել էր և ևս երկու ամսով երկարացվել էր: Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը բավարարել էր «Ոտքի Հայաստան» քաղաքացիական շարժման անդամ Դավիթ Հովհաննիսյանի կալանքը երկարացնելու միջնորդությունը և մերժել գրավի դիմաց ազատ արձակելու միջնոդությունը։ Հովհաննիսյանի կալանքը երկարացվել է ևս երկու ամսով։ Պաշտպանական կողմը բողոք է ներկայացրել ՀՀ վերաքննիչ դատարան: Հոկտեմբերի 20-ին Վերաքննիչ դատարանում լսվում էր բողոքը:
Դավիթ Հովհաննիսյանի պաշտպան, փաստաբան Հովիկ Արսենյանը «Առաջին լրատվական»- ի հետ զրույցում տեղեկացրեց, որ զարմանալիորեն բորբոքված մթնոլորտում էր լսվում բողոքը. «Դատախազական հսկողություն իրականացնող դատախազը հանգամանքներ էր ներկայացնում, թե որն է մեղադրանքի էությունը և ինչն է պատճառը, որ Դավիթ Հովհաննիսյանը պետք է շարունակի մնալ անազատության մեջ:
Փաստաբանի դիտարկմամբ՝ իր պաշտպանյալը քաղաքական հալածանքի ենթարկվում:
Նրա խոսքով՝ դատախազական հսկողությունը բարձիթողի վիճակում է, կամ կատարում է քաղաքական խնդիր. «Իմ պաշտպանյալի գործողությունները ուղղված չեն եղել ոստիկանների դեմ՝ լինի դա դիմադրության ձևով, թե զանգվածային անկարգությունների: Տարօրինակ է, որ հուլիսի 29-ի դեպքով Դ. Հովհաննիսյանը մեղադրյալ է, իսկ հուլիսի 23-ին ՀՔԾ-ն նրան տուժող է ճանաչել՝ չնայած, որ նա ոստիկանություն չի դիմել»:
Մանրամասները՝ տեսանյութում:
