Ամերիկացի ռեփեր Eminem-ը թողարկել է նոր ստեղծագործություն՝ «Նախընտրական խոսք», որում քննաատությամբ է հանդես եկել ԱՄՆ նախագահի հանրապետական թեկնածու Դոնալդ Թրամփի հասցեին։ Այս մասին հայտնում է CNN հեռուստաալիքը։
8 րոպեանոց ստեղծագործությունում երաժիշտը Թրամփին մասնավորապես անվանում է անիծյալ թեկնածու, ումից կարելի է սպասել ամեն ինչ։
Բացի այդ, երգում ռեփերը հիշատակում է Ջորջ Ցիմերմանին, ով 2012-ի փետրվարին կրակել էր անզեն սևամորթ դեռահաս Տրեյվոն Մարտինին։
Ավելի վաղ Թրամփի նախաձեռնություններին ու նրա թեկնածությանը դեմ էին արտահայտվել այլ երաժիշտներ։ Մասնավորապես, Pink Floyd ռոք խմբի հիմնադիրներից մեկը՝ Ռոջեր Ուոթերսը, քննադատել էր Մեքսիկայի հետ սահմանին պատ կառուցելու վերաբերյալ հանրապետականի գաղափարը։
