Լոզանի հանդիպման բոլոր մասնակիցները, որոնց թվում են Ռուսաստանի, ԱՄՆ-ի, Իրանի, Կատարի, Սաուդյան Արաբիայի, Թուրքիայի, Եգիպտոսի, Իրաքի, Հորդանանի ներկայացուցիչները, ինչպես նաև ՄԱԿ-ի գլխավոր քարտուղարի՝ Սիրիայի հարցով հատուկ բանագնաց Ստաֆան դե Միստուրան, հանդես են եկել Սիրիայի տարածքային ամբողջականության պահպանման և անկախության օգտին: Այս մասին ասված է Ռուսաստանի արտգործնախարարության կայքում՝ փոխանցում է gazeta.ru-ն:
Հաղորդվում է, որ քննարկումների ժամանակ հիմնական շեշտը դրվել է Սիրիայում հրադադարի ռեժիմի վերականգնման վրա՝ ըստ սեպտեմբերի 9-ի պայմանավորվածությունների ենթատեքստի:
Մասնակիցները նաև համաձայնվել են, որ Սիրիան պետք է մնա ամբողջական, անկախ և աշխարհիկ պետություն:
