Բունդեսթագը հավանություն է տվել Braunschweig տեսակի հինգ կորվետ (հետախուզական ռազմանավ) գնելուն` ընդհանուր 1.5 միլիարդ եվրո արժողությամբ, հայտնում է Süddeutsche Zeitung-ը` վկայակոչելով Գերմանիայի խորհրդարանի պատգամավորներին:
«Բալթիկ ծովի շրջանի, Միջերկրական ծովի և ընդհանուր աշխարհում անվտանգության ապահովման նոր առաջադրանքները կատարելու համար կոալիցիան (ՔԴՄ/ՔՍՄ կոալիցիայի և ՍԴԿ կուսակցությունների) մտադիր է Գերմանիայի ռազմածովային ուժերի համար գնել հինգ նոր կորվետ` 1.5 միլիարդ եվրո ընդհանուր արժողությամբ»,- պարբերականին հայտնել են ՔԴՍ պատգամավոր Էկհարդ Ռեբերգը և ՍԴԿ ներկայացուցիչ Յոհանես Կարսը:
Առաջին երկու ռազմանավերը նախատեսվում է երկրի զինված ուժերում ընդգրկել 2019 թվականին, իսկ մնացած երեքը` մինչև 2023 թվականը:
