Ավստրալիայի ոստիկանությունը YouTube-ում հատուկ ալիք է թողարկել՝ անհետ կորած մարդկանց որոնելու նպատակով: Այս մասին հայտնում է lenta.ru-ն՝ վկայակոչելով SA Police News-ին:
Վիդեոհոսթինգի ալիքը կրում է National Missing Persons անունը և շուրջ 40 տեսահոլովակ ունի: Դրանցից շատերը պատմում են արդեն մի քանի տարի անհետ կորած մարդկանց մասին: Տեսահոլովակները գովազդի փոխարեն կհայտնվեն YouTube-ում՝ որևէ բան դիտելուց առաջ:
Ավստրալիայի ոստիկանությունը հույս ունի, որ տեսահոլովակը մեկ շաբաթվա ընթացքում կդիտի շուրջ մեկ մլն մարդ:
Նախաձեռնությունն իրականացվել է Google որոնողական հսկայի հետ համատեղ: Նշենք, որ Ավստրալիայում տարեկան շուրջ 35 հազար մարդ է անհետ կորում: