Կուլումբիայի Հեղափոխական զինված ուժերի ձախ ծայրահեղական ապստամբ խմբավորման գրոհայինները հերթական անգամ պայթեցրել են Կանո Լիմոն նավթամուղը, որը խոշորագույնն է երկրում, հաղորդում է Interfax-ը:
Ահաբեկչության հետևանքով նավթամուղում ճեղք է գոյացել, որտեղով հոսում է նավթը, տուժածներ չկան: Այս մասին հայտարարել է Արակու կոլումբիական դեպարտամենտի բանակի հրամանատար գնդապետ Կառլոս Էրնանդեսը:
Կանո Լիմոնը Կոլումբիայի գլխավոր նավթամուղն է, դրա երկարությունը կազմում է 780 կմ։
Կոլումբիայի Հեղափոխական զինված ուժերը շուրջ 50 տարի զինված պայքար են մղում երկրի իշխանությունների դեմ: Այս ընթացքում հակամարտության զոհ է դարձել շուրջ 600 հազար մարդ, ավելի քան 3.7 միլիոն մարդ ստիպված են եղել լքել իրենց տները: