Սիրիայի Դամասկոս նահանգում անօրինական զինված միավորումները գնդակոծել են երկու դպրոց, հիվանդանոց և մարզահրապարակ: Այս մասին հաղորդվում է Հաշտեցման գծով ռուսական կենտրոնի տեղեկագրում:
Գերատեսչության տվյալներով՝ ռազմական գործողությունների դադարեցման մասին հայտարարած զինված միավորումները Հալեպ նահանգում համազարկային կրակի ռեակտիվ համակարգերից, տանկերից, ականանետներից և հրաձգային զենքից գնդակոծել են Ազիզա բնակավայրը, կառավարական զորքերի դիրքերը Զահր-էն-Նայրաբ լեռան և Հալեպ քաղաքի շրջանում Էլ-Մաշարքա թաղամասը: Լաթաքիա նահանգում գնդակոծվել է Սլենֆա բնակավայրը:
Բացի դրանից՝ ահաբեկիչները Հալեպ նահանգում գնդակոծել են Շուրֆա, Անսար, Կարասի, Սաբաքիա և Էլ-Հադեր բնակավայրերը, Հալեպ քաղաքի Բաբ-էլ-Հադիդ, Ռամուսի, Հայ-էլ-Անսարի, Լերամոն թաղամասերը, նաև կառավարական զորքերի դիրքերը «1070» թաղամասի, Էլ-Ասադ զինվորական ակադեմիայի, ցեմենտի գործարանի, «Կաստելո» առևտրի կենտրոնի, Բինյամին բնակավայրի շրջանում:
