Հուլիսի 29-ը Վագրերի միջազգային օրն է: Այն 3 տարի առաջ հաստատվել է այն պետությունների կողմից, որտեղ ապրում են այս գիշատիչները: Ամբողջ աշխարհում վայրի բնության մեջ մնացել են 5 հազարից ոչ ավելի վագրեր: Նրանցից մոտ 150-ն ապրում են Ռուսաստանում, Հեռավոր Արևելքում: Միայն վերջին տարիներին է հաջողվել դադարեցնել ամուրյան վագրի պոպուլյացիայի անկումը՝ հաղորդում է «Ռոսիա-24» հեռուստաալիքը:
Վերջին 100 տարիների ընթացքում վագրերի թվաքանակը նվազել է 25 անգամ և շարունակում է նվազել:
2010թ.-ին Ռուսաստանի նախաձեռնությամբ Սանկտ Պետերբուրգում տեղի ունեցավ առաջին միջազգային ֆորումը, որը հայտնի է «Վագրային գագաթնաժողով» անվամբ: Դրան մասնակցել են 13 պետությունների ներկայացուցիչներ: Ֆորումի արդյունքներով ընդունվել է «Վագրերի վերականգնման գլոբալ ծրագիր 2010-2022թթ.-ների համար»: Դրա նպատակն է 2022թ.-ին կրկնապատկել բնության մեջ գիշատիչների թվաքանակը:
