Ֆրանսիայի նախագահ Ֆրանսուա Օլանդը մտադիր է կրճատել երկրի նախկին նախագահների պահման բյուջետային ծախսերը։ Այս մասին հայտնում է France Info ռադիոկայանը։
Օլանդը մտադիր է իրագործել իր նախաձեռնությունը, որի մասին հայտնել էր երկու տարի առաջ։ Նախագիծը երկար ժամանակ փոշոտվել է Ելիսեյան պալատի թղթապանակներում։ Այժմ որոշումը կնախապատրաստվի Պետական խորհրդի ու Հաշվիչ պալատի կողմից։
Հաղորդվում է, որ նախագահի հրամանագիրը կընդունվի արդեն հաջորդ շաբաթվա սկզբին։ Այն հետադարձ ուժ չի ունենա. առաջինը, ով կհայտնվի դրա գործողության ներքո, կդառնա Օլանդն անձամբ։
Համաձայն գործող կանոնների՝ Ֆրանսիայի նախկին նախագահը պետությունից տարեկան ստանում է 65 հազար եվրո, իր տրամադրության տակ ունի թիկնազոր և բնակարան։ Նրան սպասարկելու համար վճարվում են 7 քարտուղարներ և օգնականներ։ Այդ ամենը պետությանն արժենում է տարեկան 10.3 մլն եվրո։