Այսօր Ազատության պողոտայի Ադոնց և Մամիկոնյան փողոցների միջև ընկած հատվածում՝ ձախ մայթին գտնվող 3 կրպակներ են ապամոնտաժվել։ Նախատեսվում է նշված տարածքից վերացնել բոլոր առևտրային կետերը։ «Մաքրում են Star-ից Fresh սուպերմարկետների միջև ընկած տարածքը։ Այսինքն՝ մաքրում են մանր-մունր առևտրականններին։ Մենք այսպես ենք հասկանում»,-սա է քաղաքապետի որոշման միակ տրամաբանությունը, որ կարողացավ տալ հանված կրպակներից մեկի սեփականատեր Մարինե Արամյանը։
Թաղապետարայնի աշխատակիցները քաղաքապետի որոշումը չեն ներկայացրել՝ ասելով, թե «քաղաքապետի բանավոր խոսքը բավական չի՞ ձեզ համար»։ Նրանք լրագրողներին էլ հրաժարվեցին որևէ պարզաբանում տալ` մինչև իսկ սպառնալով ջարդել տեսախցիկը և մարմնական վնասվածքներ հասցնել։
Դիմեցինք Երևանի քաղաքապետի մամուլի քարտուղար Շուշան Սարդարյանին, որի խոսքով քաղաքպետի որոշումը վերաբերել է միայն անօրինական կրպակներն ապամոնտաժելուն։ Բուն գործողություններն իրականացվում է վարչական շրջանների կողմից, որը տվյալ դեպքում Արաբկիրի թաղապետանն է։
Արդեն ապամոնտաժված կրպակի սեփականատարերերից մեկը`Նարիա Կարապետյանը, այսօր նամակով դիմել է Մարդու իրավունքների պաշտպանին, ում պահանջով ներկայացրել է նաև սեփականությունը հաստատող բոլոր փաստաթղթերը, հարկային մուծումների կտրոները։ Կարապետյանը սպասում է ՄԻՊ-ի պատասխանին, սակայն ծայրաստիճան հուսահատ վիճակում է և կարծում է, որ ստիպված է լինելու 6 երեխաների ու ամուսնու հետ արտագաղթել Վրաստան։