Գյումրիում այսօր ԲՀԿ կուսակցության առաջադրած թեկնածուի՝ Վարդևան Գրիգորյանի որդին անհասկանալի հանգամանքներում հրազենային մահացու վիրավորում է ստացել: «Չկա մի ողջամիտ մարդ, որը չդատապարտի կատարվածը, բնականաբար եթե ընտրությունների թեկնածուի հետ է առնչվում, առավել ևս պետք է բացահայտումը չուշանա, որպեսզի զանազան շահարկումների առիթ չդառնա»,- «Առաջին լրատվական»- ի հետ զրույցում ասաց ՀՅԴ խմբակցության ղեկավար Արմեն Ռուստամյանը:
«Կարծում եմ՝ նման երևույթների դրսևորումը վկայում է այն մասին, որ ոմանք իրենց համարում են անպատժելի և փորձում են ահաբեկչության միջոցով առավելություններ ստանալ:
Սա նախկին նախադեպերի դառը հիշողություններն է առաջացնում, կարծում եմ՝ անհրաժեշտ է ամեն ինչ անել, որպեսզի կատարվածի հետ կապված բոլոր հանագամանքները ճշտվեն: Ով կատարել է, պետք է պատասխան տա օրենքի ողջ խստությամբ»,- նշեց Ա. Ռուստամյանը:
Մանրամասները՝ տեսանյութում:
