ԱՄՆ նախագահ Բարաք Օբաման Նյու Յորքում հայտնի ռեստորանատեր Դենի Մեյերի տանը բարեգործական ընթրիքի ժամանակ, որին ներկա է եղել 65 մարդ, հանդես է եկել ԱՄՆ նախագահի դեմոկրատ թեկնածու Հիլարի Քլինթոնին ուղղված աջակցությամբ՝ միևնույն ժամանակ քննադատելով հանրապետական Դոնալդ Թրամփին։ Այս մասին հայտնում է Associated Press-ը։
Նրա խոսքով՝ Քլինթոնն ունի ինտելեկտ և ոգու արիություն։ Նա ընդգծել է, որ Քլինթոնն ինչով էլ զբաղվել է, մշտապես իրեն դրսևորել է որպես կարգապահ և չափազանց արդյունավետ աշխատող։
«Մեկ ուրիշ տղա կա։ …Ձեզնից ոմանք հավանաբար գործարար կապեր են ունեցել նրա հետ։ Եթե այդպիսիք եղել են, ապա հազիվ թե դրանք հաջող անվանեք»,- ասել է Օբաման։
Օբաման հավելել է, որ Թրամփը արժանի չէ լինելու նախագահ և չի կարող կատարել լուրջ հանձնարարություններ պետության ղեկավարի պաշտոնում։
