Ֆրանսիան սեպտեմբերի 16-ին Եգիպտոսին է հանձնել Ռուսաստանի համար կառուցված՝ «Միստրալ» տիպի երկու ուղղաթիռակիրներից երկրորդը՝ հայտնում է Reuters գործակալությունը:
Սպասվում Է, որ ուղղաթիռակիրը հաջորդ շաբաթվա սկզբին դուրս կգա Սեն Նազար նավահանգստից՝ Ֆրանսիայի ռազմածովային ուժերի հետ համատեղ զինավարժանքների անցկացման համար, իսկ այնուհետև կուղևորվի գրանցման նավահանգիստ՝ Ալեքսանդիրա:
Ավելի վաղ հաղորդվել էր, որ երկրորդ «Միստրալը» կոչվել է Եգիպտոսի նախկին նախագահ Անվար Սադաթի պատվին, որը 1981 թվականին զոհվել է իսլամիստների ձեռքով:
«Գամալ Աբդել Նասեր» առաջին ուղղաթիռակիրը հունիսի 23-ին ժամանել է Ալեքսանդրիա՝ Ֆրանսիայի Սեն Նազարից 14-օրյա ուղևորությունից հետո։
