Մինչ այժմ ՀՀԿ-ականները միահամուռ կերպով ասում էին, որ այնքան էլ վատ չի աշխատել վարչապետ Հովիկ Աբրահամյանը: Իսկ նորանշանակ վարչապետ Կարեն Կարապետյանը նախօրեին Ազգային Ժողովում հայտարարեց, որ մեր տնտեսությունը չաձազանց ծանր վիճակում է:
Որքանո՞վ է այս գնահատականն օբյեկտիվ. «Առաջին լրատավական»- ի հետ զրույցում ի պատասխան այս հարցի՝ ԱԺ փոխխոսնակ Էդուարդ Շարմազանովը նշեց. «Կարեն Կարապետյանը նախորդ վարչապետ Հովիկ Աբրահամյանի գործունեությունը դրական է գնահատել, նշել է, որ նա հնարավորինս քայլեր է ձեռնարկել տնտեսությունը կայունացնելու համար:
Իմ կարծիքը նախորդ կառավարության վերաբերյալ մնում է նույնը. ՀՀԿ-ն ամբողջապես պատասխանատվություն է ունեցել և ունի՝ 99թ-ից մինչև օրս բոլոր կառավարությունների քաղաքական պատասխանատուն Հանրապետականն է, բոլոր թերությունների և առավելությունների պատասխանատուն ՀՀԿ-ն է: Եթե որևէ վարչապետ թերացել է, թերացել է կուսակցությունը: Եթե որևէ վարչապետ ձեռքբերում է ունեցել, դրա պատասխանատուն ևս ՀՀԿ-ն է»:
Շարմազանովը նշեց, որ նոր վարչապետը առաջադրվել է ՀՀ և ՀՀԿ նախագահի կողմից և ՀՀԿ-ն սատարելու է նոր քաղաքական կաբինետի գործունեությանը:
Ինչ վերաբերում է նոր վարչապետի գնահատականին՝ «տնտեսության վիճակը ծանր է», Շարմազանովը նշեց, որ դա զգացմունքային գնահատական է:
Մանրամասները՝ տեսանյութում:
