Ամերիկյան զինված ուժերը պայքարում են ճարպակալման դեմ և պարտվում, հայտնում է The Times թերթը:
Խոսքը Military Times մեդիախմբի տրամադրության տակ հայտնված տվյալների մասին է, որոնց համաձայն՝ ԱՄՆ զինված ուժերի անձնակազմի 8%-ը տառապում է ավելորդ քաշից: 2001 թ. այդ ցուցանիշը եղել է 1,6%:
Military Times-ը նշում է, որ զինվորականների գիրանալու մի քանի բացատրություն է տրվում: Հնարավոր է՝ բանն այն է, որ 15 տարվա ռազմական գործողություններից հետո ԱՄՆ բանակը սկսել է պակաս ժամանակ հատկացնել ֆիթնեսին: Մյուս հնարավոր պատճառը տեսախաղերով և սոցցանցերով տարված «2 000-ականների սերնդի» շրջանում զինվորական ծառայության դժվարություններին և զրկանքներին պատրաստականության բացակայությունն է:
Բացառված չէ նաև, որ զինված ուժերի վիճակն արտացոլում է ԱՄՆ ամբողջ բնակչության խնդիրն ընդհանուր առմամբ, որի շատ ներկայացուցիչներ ճիշտ չեն սնվում:
