Ամերիկյան հատուկ ծառայությունների նախկին աշխատակից Էդվարդ Սնոուդենը մի քանի խորհուրդներ է տվել, թե ինչպես մասամբ խուսափել գլոբալ լրտեսումից կամ ցանցահեններից։ Նա անձամբ օգտվում է տեսախցիկներին կպչուն ժապավեն ամրացնելու մեթոդից՝ փոխանցում է RIA Novosti-ն։
ԱՄՆ մի շարք քաղաքներում Օլվեր Սթոունի «Սնոուդեն» ֆիլմի հատուկ ցուցադրությունից հետո ռեժիսորը, գլխավոր դերակատարները՝ Նյու Յորքից և Սնոուդենն անձամբ Մոսկվայից մասնակցել են ինտերակտիվ տեսակոնֆերանսին։
Նա խորհուրդ է տվել նաև մի գաղտնաբառ չկիրառել մի քանի ռեսուրսներ մուտքի համար, քանի որ դրանցից մեկի կոտրումը կարող է տանել մյուս ռեսուրսների կամ սոցցանցերի կոտրման։ Հեռախոսային գաղտնալսումների դեմ պայքարի համար նա խորհուրդ է տվել օգտվել ծածկագրման ծրագրերից։ Սնոուդենը խորհուրդ է տվել նաև օգտվել գովազդի արգելափակումից և հակավիրուսային ծրագրերից, սակայն դրանք կարող են աշխատել ցանցահեններից պաշտպանության համար, այլ ոչ թե գաղտնի ծառայություններից։ Ազգային անվտանգության գործակալության կողմից լրտեսումը դադարեցնել հնարավոր է միայն քաղաքական գործընթացի միջոցով՝ ասել է Սնոուդենը։
