Ադրբեջանական APA լրատվական գործակալության փոխանցմամբ՝ Ադրբեջանի էներգետիկայի նախարար Նատիգ Ալիևը հայտարարել է, որ հաջորդ տարվա պետբյուջեն անհրաժեշտ է կազմել մեկ բարել նավթի 40 դոլար բազային գնով:
Նրա խոսքով՝ ներկայիս պայմաններում այդ թիվն ամենաօպտիմալն ու ամենաիրատեսականն է. «Նավթ արտահանող մի շարք երկրներ, այդ թվում նաև մեր հարևանները պետբյուջեում նավթի բազային գինը սահմանել են մեկ բարելի համար 40 դոլար մակարդակի վրա»:
Նատիգ Ալիևի խոսքով՝ ՕՊԵԿ-ը, որի առաջիկա նիստը տեղի է ունենալու Ալժիրում, գտնվում է քաղաքական ազդեցության տակ, և լուրջ տարաձայնություններ կան շուկայի հիմնական խաղացողների՝ Սաուդյան Արաբիայի ու Իրանի միջև, որոնք հունվարից անդադար ընդլայնել են նավթի արդյունահանումը:
