Անդրադառնալով «Առաջին լրատվական»- ի դիտարկմանը, որ մայիսին Հովիկ Աբրահամյանը մենաշնորհների և կոռուպցիայի դեմ պայքարի հանձնարարականներ տվեց, սակայն այդպես էլ շոշափելի արդյունք չգրանցվեց, ՀՀ Էկոնոմիկայի նախարար Արծվիկ Մինասյանը նշեց, որ վարչապետի հանձնարարականը չէր ենթադրում րոպեական արդյունք. «Ենթադրում է գործընթաց, որն իրականացվում է: Դա մեծածավալ աշխատանքն է, որ մեզ մոտ մշակվում է:
Որևէ մեկի մտքով չանցնի, որ մենաշնորհների կամ շուկաների գերկենտրոնացվածության խնդիրը հեշտ է լուծել ընդամենը մեկ հարվածով, մեկ թարս նայելով կամ մեկ գրչի ստորագրությամբ: Դա այդքան հեշտ չէ»:
Անդրադառնալով վարչապետի պաշտոնից Հովիկ Աբրահամյանի հրաժարականին, Ա. Մինասյանը նշեց, որ այդ մասին քննարկումներ կառավարությունում չի եղել, և այն կարող է ցանկացած նախարարի համար անակնկալ լինել:
Ա. Մինասյանի դիտարկմամբ՝ վարչապետի հրաժարականը պայմանավորված չէր հուլիսյան իրադարձություններով:
«Տնտեսական ցուցանիշների որոշակի վատթարացումը կապված չէ ո՛չ ապրիլյան պատերազմի, ո՛չ էլ հուլիսյան իրադարձությունների հետ»,- նշեց հավաստիացրեց էկոնոմիկայի նախարարը և հավելեց, որ բացասական որևէ դրսևորումը հիմք չէ թևաթափ լինելու և տնտեսությանը նոր շունչ չհաղորդելու համար:
Մանրամասները՝ տեսանյութում: