Այսօր կայացավ «Հոգևոր Հայաստան» նախաձեռնության անդրանիկ համահայկական հիմնադիր համաժողովը՝ նպատակ ունենալով համախմբել հայ մտավորականությանը:
«Համախմբում» կուսակցության վարչության անդամ, արտակարգ և լիազոր դեսպան Ռուբեն Կարապետյանը «Առաջին լրատվական»- ի հետ զրույցում նշեց, որ հոգևոր Հայաստան կառուցելու կարիքն ու անհրաժեշտությունն է «Հոգևոր Հայաստան» նախաձեռնության հիմքում. «Այն մարդիկ, ովքեր իրապես մտահոգ են սեփական պետության և սեփական ժողովրդի ապագայով, լինեն Սփյուռքում, Արցախում, թե Հայաստանում, համախմբվելու են. այլ ելք չունենք: Իսկ նրանք, ովքեր ուղղորդվում են կամ մտավախություններ ունեն, քաղաքական հաշվարկներ են անում, նրանք մտավորական չեն: Մենք ունենք հոգևոր Հայաստան ստեղծելու մտավոր շերտը, «Հոգևոր Հայաստան» նախաձեռնությունը աշխատելու է տարբեր ուղղություններով՝ համախմբելու Հայաստանի ապագայով մտահոգ մարդկանց, ովքեր կարող են դառնալ հենք՝ նոր Հայաստան կառուցելու համար»:
Ռ. Կարապետյանի խոսքով՝ բացի ինքնության հարցերից և ապագայի տեսլականից, մյուս կարևորագույն խնդիրը, որ առաջ է քաշում «Հոգևոր Հայաստան»-ը, հայության ամբողջականացման ծրագիրն է:
«Իշխանափոխությունը շատ մանր հարց է, որպեսզի մենք դրան անդրադառնանք, դա կդառնա օրակարգային հարց այն ժամանակ, երբ համահայկական հոգևոր Հայաստանը կկայանա և պահանջներն իշխանություններին կլինեն այլ. կհարմարվեն նրանք այդ պահանջներին, թե ոչ, դա այլ խնդիր է»,- ընդգծեց Ռ. Կարապետյանը: Նա նաև հավելեց, որ Հայաստաննը միայն հայաստանցիների պետությունը չէ, Հայաստանը ամբողջ հայության պետությունն է, և Հայաստանի սպառնալիքները և դժվարությունները համահայկական խնդիրներ են:
Մանրամասները՝ տեսանյութում: