Բուքերյան միջազգային մրցանակի հերթական դափնեկիր է դարձել ամերիկացի գրող Ֆիլիպ Ռոտը: Այս մասին հաղորդում է BBC-ն: Մրցանակի հետ մեկտեղ գրողը կստանա 60 հազար ֆունտ ստերլինգ:
Մինչ այդ 78-ամյա Ռոտը ստացել է նաև Պուլիտցերյան մրցանակը, Ֆրանց Կաֆկայի մրցանակը և մի շարք այլ գրական մրցանակներ: Ֆիլիպ Ռոտը ծնվել 1933 թ.: Իր առաջին վեպը («Արհամարհանք») նա հրապարակել է 1962 թ.: Նրա ամենաշատ վաճառված գիրքը եղել է «Դավադրություն ընդդեմ Ամերիկայի»-ն, որում նա նկարագրել է ԱՄՆ-ն՝ որպես ֆաշիստական ռեժիմ ունեցող երկիր, որն իբր ԱՄՆ-ում հաստատել է 1940 թ. Ռուզվելտին նախագահական ընտրությունների ժամանակ հաղթած օդաչու Չարլզ Լինդբերգը:
Տեղեկացնենք, որ Միջազգային Բուքերյան մրցանակը հանձնվում է 2005 թվից ամեն երկու տարին մեկ, ընդ որում՝ մրցանակը տրվում է ոչ միայն անգլիալեզու հեղինակներին, այլ նաև նրանց, ում գրքերը թարգմանվել են անգլերեն: Այս մրցանակի դափնեկիրներ են դարձել ալբանացի գրող Իսմայիլ Քադարեն, նիգերիացի Չինուա Աչեբեն և Էլիս Մանրոն Կանադայից: Մրցանակի հանձնման հանդիսավոր արարողությունը տեղի կունենա հունիսի 28-ին: