Բրիտանական Reuters լրատվական գործակալության փոխանցմամբ՝ Սպիտակ տունը հինգշաբթի հերքել է տվյալներն այն մասին, թե ԱՄՆ-ն իրանական միջուկային ծրագրի շուրջ համաձայնագրի շրջանակներում գաղտնի զիջումներ է արել Իրանին:
Սպիտակ տան ներկայացուցիչ Ջոշ Էռնեստը հայտարարել է, որ նման հայտարարությունները չեն համապատասխանում իրականությանը:
Ավելի վաղ վաշինգտոնյան Գիտության ու միջազգային անվտանգության ինստիտուտը զեկույց է հրապարակել, որում վստահեցվում է, որ պայմանավորվածություններն ուժի մեջ մտնելու պահին Իրանն ամբողջովին պատրաստ չի եղել տեխնիկական բոլոր պարամետրերին, սակայն միջազգային հանրությունից ստացել են գաղտնի զիջումներ:
Դա, մասնավորապես, վերաբերում է ծանր ջրի պաշարների ու այլ բաղադրատարրերի սահմանի գերազանցմանը, որոնք Իրանին թույլ են տրվել պահեստավորել:
