Քեմբրիջի դքսուհի Քեյթ Միդլթոնի ծննդաբերությանն առնչվող հանգամանքների հետ կապված խաղադրույքները Մեծ Բրիտանիայում ռեկորդներ են սահմանել: Այս մասին հայտնում է France-Presse գործակալությունը:
Ինչպես գործակալությանը պատմել են երկրի բուքմեյքերական գրասենյակների ներկայացուցիչները, հուլիսի 16-ի դրությամբ իրենց հաջողվել է մոտ 1 մլն ֆունտ սթեռլինգ հավաքել: Նախկինում սպորտին չառնչվող որևէ այլ իրադարձություն նման գումար չէր բերել:
Խաղադրույքներ են ընդունվում երեխայի ծննդյան ժամկետի, սեռի, անվան, նույնիսկ քաշի վերաբերյալ:
Խաղադրույքներ կատարողների մեծ մասը կարծում է, որ զույգն աղջիկ կունենա, որին Ալեքսանդրա կանվանեն: Ընտրվում են նաև Շառլոտա, Վիկտորյա, Էլիզաբեթ և Դիանա անուննեը: Տղամարդկանց անունների շարքում առաջատարը Ջեյմսն ու Ջորջն են:
ԶԼՄ-ների հերթական տեղեկություններով՝ երեխայի ծնունդը սպասվում է հուլիսի 23-ից ոչ շուտ:
