Հյուսիսային Իռլանդիայի ասամբլեայի պատգամավորները ընդհատել են ամառային արձակուրդները՝ արտակարգ նիստ անցկացնելու համար, որի նպատակը հուլիսի 12-ին Միացյալ Թագավորության այդ հատվածի տարբեր քաղաքներում տեղի ունեցող անկարգություններին վերջ տալն է: Այս մասին այսօր հայտարարել է տեղի խորհրդարանի խոսնակը՝ փոխանցում է ITAR-TASS-ը: Օրակարգում մեկ հարց է՝ հյուսիսիռլանդական քաղաքներում կարգուկանոնի վերականգնումը: Այնտեղ նկատվում են իրավապահ մարմինների աշխատակիցների հետ յունիոնիստների բախումներ:
Հյուսիսային Իռլանդիայի ոստիկանապետ Մեթ Բեգոտի խոսքով՝ բազմաթիվ ոստիկաններ վնասվածքներ են ստացել, բազմաթիվ ձերբակալված երիտասարդներ հայտնվել են բանտում հայտնվելու սպառնալիքի տակ:
Անցած գիշեր Հյուսիսային Իռլանդիայի վարչական կենտրոնի՝ Բելֆաստի մի շարք շրջաններում տեղի են ունեցել նոր բախումներ: Տարբեր աստիճանի մարմնական վնասվածքներ են ստացել 27 ոստիկաններ:
Անկարգությունները սկսվել են հուլիսի12-ին, երբ իշխանություններն արգելել են ամենամյա «Նարնջագույն օրդենի» (բողոքական եղբայրություն) շքերթի մասնակիցներին անցկացնել երթի եզրափակիչ փուլը Բելֆաստի փողոցով: Նշենք, որ քաղաքում հիմնականում բնակվում են կաթոլիկներ:
