Սիրիայի Հալեպ քաղաքի համալսարանը Թուրքիայի վարչապետ Ռեջեփ Թայիփ Էրդողանին զրկել է միջազգային հարաբերությունների ոլորտում գիտությունների պատվավոր դոկտորի կոչումից: Այս մասին հայտնում է SANA գործակալությունը:
Ուսումնական հաստատության ռեկտոր Խոդր Ալ-Օրֆալին հայտնել է, որ գիտխորհրդի նիստի ժամանակ որոշվել է Էրդողանին զրկել 2009-ին նրան տրված կոչումից՝ Սիրիայի դեմ դավադրության կազմակերպման, ինչպես նաև Թուրքիայում ցուցարարների դեմ անհիմն ճնշումների համար:
Խորհուրդը որոշել է նաև ստեղծել իրավաբաններից ու փորձագետներից կազմված հանձնաժողով, որը պետք է դատական հայց պատրաստի Էրդողանի դեմ՝ սիրիական տնտեսության կործանման, ձեռնարկությունների, բնական ռեսուրսների ու մշակութային ժառանգության թալանման վերաբերյալ:
