Հնդկաստանի հարյուրամյա բնակչուհի Ման Կաուրը մասնակցել է զանգվածային միջազգային վազքահերթին, որն ավարտվել է Վանկուվերում (Կանադայի Բրիտանական Կոլումբիայի նահանգ): Այս մասին հայտնել է CTV հեռուստաալիքը:
Հարյուր մետր տարածությունը հաղթահարելու համար երկարակյացից պահանջվել է 1.5 րոպե: Եզրագծում, ի թիվս վազքի այլ մասնակիցների, նրան դիմավորել է նաև որդին՝ 78-ամյա Գուրդև Սինգհը, որը նույնպես կարողացել է անցնել 100 մետր տարածությունը: Americas Masters Games թեթևատլետիկական մրցումներին մասնակցել են 30-ից բարձր տարիքի մարզիկներ: Նրանց առաջարկվում էր իրենց ուժերը փորձել տարբեր տարածություններում։
Ինչպես պատմել է Սինգհը, իր մայրն սկսել է վազքով զբաղվել 93 տարեկան հասակում: Այդ ժամանակվանից նա ստացել է ավելի քան 20 մեդալ, այդ թվում՝ 3 ոսկե: Դրանցից մեկը Ման Կաուրը նվաճել է Վանկուվերում 100-ից բարձր տարիքի մարզիկների խմբում։
Իր հաջողությունների գաղտնիքը երկարակյացը համարում է «լավ սնունդը և ֆիզիկական վարժանքները»։
