Թուրքիայի զինված ուժերը կիրակի առավոտյան հավելյալ ուժեր և զինամթեք է ուղարկել Սիրիայի Ջարաբլուս բնակավայր, գրում է Haberler-ը:
Լրացուցիչ ուժերը ուղարկվել են այն անից հետո, երբ անցած գիշեր թուրքական տանկերը և հրետանին ինտենսիվ հրետակոծության է ենթարկել քաղաքի մի քանի շրջաններ և սահմանից դեպի հարավ գտնվող մի քանի կետեր:
Տեղեկություններ են ստացվում, որ Ջարաբլուսի տարածքում պարբերաբար պայթյուններ են հնչում, և դաժան փոխհրաձգություններ են ընթանում: Բախումներից մեկի ժամանակ շաբաթ օրը խոցվել են թուրքական երկու տանկ, զոհվել է թուրքական բանակի մեկ զինվոր, երկուսը վիրավորվել են: Լրատվամիջոցի տեղեկացմամբ՝ տանկերի ուղղությամբ կրակել են Սիրիայի քրդերի՝ Անկարայի կողմից ահաբեկչական որակվող «Ժողովրդավարական միություն» կուսակցության զինյալները:
