Իսրայելի հնությունների վարչության աշխատակիցներին հաջողվել է մասնավոր հավաքածու նմուշների մեջ հայտնաբերել յուրօրինակ արտեֆակտներ: Որոշ նմուշներ 3․5 հազար տարվա հնության են, տեղեկացնում է The History Blog-ը:
Արժեքավոր իրեր շարքում են հնագույն ձեռքի նռնակի եզակի նմուշը, որը լավ պահպանված վիճակում է: Գտածոյի հստակ տարիքը հնարավոր կլինի որոշել միայն հատուկ փորձաքննությունից հետո: Մասնագետների կարծիքով՝ հնարավոր է, որ այն մոտ 1000 տարեկան լինի:
Նմանատիպ զենք է գործածվել 1090-1250թթ.՝ խաչակիրների արշավանքների ժամանակ:
Նռնակը բավականին պարզ կառուցվածք ունի. գնդաձև վահանակի մեջ լցնում էին նավթախառն թանձրուկ: Զենքը ուներ նաև վառելու համար նախատեսված պատրույգ: Այն նետվում էր ինչպես ձեռքով, այնպես էլ քարանետ սարքի միջոցով:
