Մեծ Բրիտանիայում հարսանիքի ժամանակ հյուրերի միջև վիճաբանություն է ծագել, ինչի հետևանքով նրանցից մեկը հոսպիտալացվել է, իսկ մյուսը՝ ձերբակալվել: Այս մասին հաղորդում է the Daily Mail-ը:
Զանգվածային ծեծկռտուքը տեղի է ունեցել այն բանից հետո, երբ հարսանիքի հյուրերից երկուսը սկսել են վիճել հավի մսի համար:
Առկա տեղեկատվության համաձայն՝ վեճը ծագել է այն բանից հետո, երբ հյուրերից մեկը՝ փեսացուի եղբայրը, շրջանցելով խորտիկների սեղանի մոտ գոյացած հերթը, մոտեցել է հավի միս վերցնելու: Այս արարքը դուր չի եկել հերթում սպասող տղամարդկանցից մեկին՝ Քուրթ Հյուզին: Նրանք սկսել են վիճել միմյանց հետ, վեճին միացել են այլ հյուրեր, այդ թվում՝ Հյուզի կինը և հարսի քույրը՝ Քրիստել Քոլմանը:
Վիճաբանության ընթացքում Հյուզը սկսել է ծեծել հյուրերին, հրել նրանց, ինչի արդյունքում Քոլմանը կոտրել է քիթը:
Հյուզին ձերբակալել են, որից հետո ազատ են արձակել գրավի դիմաց:
