Ռուսաստանը գլխավորում է ԱՄՆ-ի համար հինգ գլխավոր մատակոչերի ցուցակը, առաջ անցնելով Չինաստանից, Հյուսիսային Կորեայից, Իրանից, և ԴԱԻՇ ահաբեկչական խմբավորումից: Այդ մասին ուրբաթ օրը հայտարարել է ԱՄՆ պաշտպանության նախարար Էշթոն Քարտերը, հայտնում է RIA Novosti-ն:
«Այսօր մեր մեծ ազգի առջև, որն ունի գլոբալ պատասխանատվություն, գլոբալ հնարավորություններ և գլոբալ շահեր, կանգնած է ամենաքիչը հինգ աճող մարտակոչ. Առաջինը՝ դիմակայել Ռուսաստանի կողմից ագրեսիային և բռնությանը, հատկապես՝ Եվրոպայում»,- ասել է Քարտերը ԱՄՆ զինված ուժերի պահեստազորայիններին Ազատության շքանշանների շնորհման արարողության ժամանակ:
Նա շարունակել է թվարկել ԱՄՆ-ի համար սպառնալիքները, անվանելով Չինաստանին, Հյուսիսային Կորեային, Իրանին և ԴԱԻՇ-ին:
Քարտերի խոսքերով` երկրորդ մարտակոչը հանդիսանում է անհրաժեշտությունը «հաղթահարելու Ասիական-Խաղաղօվկիանոսյան տարածաշրջանում կենսական կարևոր պատմական փոփոխությունները, որտեղ բնակվում է աշխարհի բնակչության կեսը և գործում է աշխարհի տնտեսության կեսը»: «Չինաստանի աճը հիանալի է, սակայն նրա ագրեսիվ վարքագիծը՝ ոչ»,- հայտարարել է Պենտագոնի ղեկավարը:
Քարթերը նաև հիշեցրել է, որ Ամերիկան պետք է պատրաստ լինի «անհայտ ապագային» և սպառնալիքներին, որոնք այն կրում է:
