Լոնդոնի ֆրանսիական դեսպանատան մոտ կանայք կիլոգրամներով ավազ են լցրել՝ նմանակելով լողափային երեկույթի, որպես բողոքի ակցիա Ֆրանսիայում բուրկինի կրելու արգելքի դեմ, հայտնում է The Independent-ը:
Ակցիայի կազմակերպիչ 27-ամյա Էսմաթ Ժերաժը ասել է, որ որոշել է ընկերների հետ բողոքի ակցիա կազմակերպել, երբ տեսել է լուսանկարներ, որտեղ Նիսում ոստիկանները կանանցից պահանջել են հանել բուրկինիները:
«Դա անհեթեթություն է: Ահաբեկչության դեմ պատերազմը չի սկսվում այն բանից, թե ինչ կա կանացի զգեստապահարանում»,- ասել է նա և պարզաբանել, որ արգելքը մի շարք կանանց կզրկի հասարակության մաս լինելու հնարավորությունից:
