Գերմանիայի կանցլեր Անգելա Մերկելը հայտարարել է, որ ԵՄ-ում տեղեկատվության պաշտանության վերաբերյալ չափանիշներում նոր կետ կներառվի, որը համացանցային ընկերություններին կպարտավորեցնի եվրոպական երկրների իշխանություններին տեղեկացնել իրենց՝ հատուկ ծառայությունների հետ համագործակցության մասին, հաղորդում է ARD հեռուստաալիքը:
Մերկելն ասել է, որ «Գերմանիայի օրենքները ինչպես հարկն է չեն պաշտպանում քաղաքացիների մասնավոր կյանքի անձեռնմխելիությունը՝ խոշոր համացանցային ընկերությունների կողմից խախտումների դեպքում»:
Կանցլերի կարծիքով՝ Եվրոպայում աշխատող համացանցային ընկերությունները ԵՄ իշխանություններին պետք է տեղեկություն հաղորդեն այն մասին, թե ում են իրենք փոխանցում օգտատերերի մասին տվյալները:
Մերկելը նաև կոչ է արել ՄԱԿ-ի մարդու իրավունքների վերաբերյալ փաստաթղթերում ներառել մասնավոր կյանքի անձեռնմխելիությունը երաշխավորող արձանագրություն՝ միջազգային մակարդակով: