Սիրիական զորքերը զարգացնում են Դամասկոսի հյուսիսի և արևելքի արվարձաններին ուղղված հարձակումները: Ջուբարում շաբաթ շրջապատվել և ոչնչացվել է 30 ահաբեկիչներից բաղկացած հանցախումբ՝ հաղորդել է «Ալ-Մանար» հեռուստակայանը:
Հարևան Քաբունում սիրիացի զինծառայողները ստորգետնյա անցումներ են հայտնաբերել, որոնք կիրառվել են գրոհայինների կողմից անակնկալ զինված հարձակումների համար: Լաբիրինթոսներում էլեկտրականություն է եղել, այնտեղ է պահպանվել նաև զինամթերքը:
Մայրաքաղաքից 8 կմ հեռավորության վրա գտնվող Խարասթ քաղաքում բանակի ուժերն իրականացնում են թաղամասերի մաքրում:
Սիրիայի հյուսիսում ականանետային հարձակման են ենթարկվել Հալեպից 20 կմ հեռավորության վրա գտնվող Նոբուլ և Էզ-Զահար քաղաքները: Խաղաղ բնակչության շրջանում զոհեր կան։
