Հիմնադիր խորհրդարանի անդամ Ալեք Ենիգոմշյանն ասյօր հորդորել է «Սասնա ծռեր» խմբի անդամ Արայիկ Խանդոյանին հանել իր թեկնածությունը Ծաղկահովիտի գյուղապետի ընտրություններից:
Քաղաքագետ Ստյոպա Սաֆարյանը «Առաջին լրատվական» -ի հետ թեմայի շուրջ զրույցում նշեց, որ Հիմնադիր խորհրդարանը ի սկզբանե մերժել է ընտրական գործընթացներով փոփոխությունների հասնելու տարբերակը, դա համարելով անհնար: «Ե՛վ սահմանադրական հանարքվեին չմասնակցելը, և՛ պայքարը քաղաքացիական անհնազանդության, ընդվզման ճանապարհով տանելն ունեցել են մեկ հիմնավորում, որ բացի այս եղանակով քաղաքական պայքարից, որևէ այլ եղանակ Հայաստանում չի գործում: Հիմնադիր խորհրդարանը երբեմն մեղադրում էր ընդդիմադիր այն ուժերին, ովքեր մասնակցում էին նման գործընթացների՝ հիմնավորելով, որ նրանք այդ դեպքում մտնում են իշխանության դաշտ, խաղում են իշխանության խաղի կանոններով, ջուր են լցնում իշխանության ջրաղացին»,- նշեց քաղաքագետը՝ հավելելով, որ իր կարծիքով՝ Ա. Խանդոյանը միայնակ չի եկել իր թեկնածությունը դնելու որոշմանը: Քաղաքագետի դիտարկմամբ՝ Հիմնադիր խորհրդարանի ներսում տարբեր մոտեցումներ կան:
«Տեսանելիորեն շարժումը փոխակերպվել է, օրակարգն այնպիսին չէ, որ գործողությունները միտված են իշխանությանը հեռացնելուն կամ ժամանակավոր կառավարություն ձևավորելուն: Մենք գործ ունենք շարժման իներցիայի հետ, որի աջակիցները հետապնդում են միանգամայն այլ օրակարգ՝ կապված «Սասնա ծռեր»-ի անհետաձգելի բուժօգնության, նրանց և ձերբակալված մյուս բնակիչների իրավունքների պաշտպանության և դատավարության հետ:
Մանրամասները՝ տեսանյութում:
