Հալիդ շեյխ Մոհամմադը, ով իրեն համարում է 2001թ.-ի սեպտեմբերի 11-ի ահաբեկչության կազմակերպիչը, ԿՀՎ-ի կողմից ենթարկվել է բազմաթիվ դաժան հարցաքննությունների՝ հիշեցնում է Indenpendnet-ը:
Մոհամմադին ձերբակալել են Պակիստանում և ուղարկել Լեհաստանում գտնվող ԿՀՎ-ի գաղտնի բանտ, որտեղ էլ նրան կտտանքների են ենթարկել: Այնուհետև նրան տեղափոխել են Ռումինիայի բանտ: Հենց այնտեղ էլ Մոհամմադը, այսպես ասած, փոշեկուլ «կառուցելու» թույլտվություն է խնդրել: Կրթությամբ նա ինժեներ-մեխանիկ է:
ԿՀՎ-ն դա թույլ է տվել՝ այդպիսով կանխարգելելով ամենաարժեքավոր բանտարկյալի խելագարվելը:
Սակայն թե ինչպիսի փոշեկուլ է նա պատրաստել՝ գաղտնիք է: Նրա ներկայիս փաստաբան Ջեյսոն Ռայթն ասել է, որ իրավունք չունի շոշափել այդ թեման:
