Google ընկերությունը պաշտոնապես թողարկել է նոր օպերացիոն համակարգ՝ Android Nougat 7.0։ Օգոստոսի 22-ից իրենց սարքերը թարմացնել կարող են Nexus 6-ի, 6P-ի, 5X-ի, Pixel C-ի կամ Nexus 9 պլանշետի տերերը։ Այս մասին գրում է The Verge-ը։
Նշվում է, որ թարմացումը միաժամանակ չի թողարկվի բոլոր սարքերի համար, այլ տեղի կունենա աստիճանաբար։ Դեռևս հայտնի չէ, թե ինչ հերթականությամբ տեղի կունենա գործընթացը։
Հաղորդվում է, որ օպերացիոն համակարգի պաշտոնական տարբերակում մշակողներն ազատվել են խոցելիությունների մեծ մասից, որոնք դիտվել են Android Nougat-ի բետա-տարբերակներում։
Մշակողները խոստացել են էներգախնայողության բարելավված համակարգ և վիրտուալ իրականության համակարգային սպասարկում։
Android Nougat-ով հանդերձված առաջին սարքը կդառնա LG V20-ը, որի շնորհանդեսը սպասվում է ավելի ուշ։
/cdn0.vox-cdn.com/uploads/chorus_asset/file/6967451/jbareham_160819_1196_0119.0.jpg)
/cdn0.vox-cdn.com/uploads/chorus_asset/file/6967449/jbareham_160819_1196_0067.0.jpg)
