«Մինդուլ» թայֆունը իր հետ Տոկիո է բերել ուժեղ անձրևներ և հողմ, հայտնում է Euronews-ը: Թայֆունը, որի անունը ճապոներենից թարգմանվում է «Խատուտիկ», 35կմ/ժամ արագությամբ շարժվում է հյուսիս-արևելք: Ճապոնիայի իշխանությունները հանդես են եկել նախազգուշացմամբ՝ մոտ 560 հազար բնակիչների կոչ անելով տարհանվել: Դա վերաբերվում է Տոկիոյին և 7 շրջաններին: Լուրջ խնդիրներ են ունեցել ճանապարհորդները:
Հաղորդվում է, որ ոչ միայն Տոկիոյի շրջանում, այլ նաև ողջ կենտրոնական Ճապոնիայում խանգարված է երկաթուղային հաղորդակցությունը, մի շարք վայրերում ճանապարհներին լցվել են սողանքները, որոնք հանգեցրել են վթարների:
Բարդ իրադրություն է նաև օդանավակայաններում: Տոկիոյի միջազգային օդանավակայանում հետաձգվել է ավելի քան 500 չվերթ: Վերջին տվյալներով 10 մարդ թեթև վիրավորվել է:
