Ֆրանսիայի նախագահ Ֆրանսուա Օլանդը հայտարարել է, որ կցանկանար 2017 թվականին առաջադրվել երկրորդ նախագահական ժամկետում, սակայն դա կանի միայն հաղթանակի հնարավորության առկայության դեպքում։ Նրա խոսքերն են մեջբերում լրագրողներ Անտուան Անդրեն և Քարիմ Ռասսուլին, ովքեր «Մասնավոր զրույցներ նախագահի հետ» նոր գրքի հեղինակներն են։ Այս մասին հայտնում է Le Point պարբերականը։
«Ես լավ գիտեմ, թե ինչպիսին են առանց անձնական կյանքի անցկացրած տարիները։ Սակայն ես ցանկություն ունեմ։ Դա իմ անձնական նախապատվությունն է»,- մեկնաբանել է Օլանդն իր պլանները։
Ինչպես ասված է գրքում, Օլանդը չի ներկայացնի իր թեկնածությունը, եթե չունենա հաղթանակի շանս։ Բացի դրանից՝ նա այնքան էլ բարյացկամ չէ տրամադրված հնարավոր մրցակիցների հանդեպ, օրինակ՝ Ֆրանսիայի նախկին նախագահ Նիկոլա Սարկոզիի, և ասում է, որ նա կցանկանար կոտրել իր ատամները։
Ավելի վաղ «Ազգային ճակատ» կուսակցության ղեկավար Մարին Լե Պենը հայտնել էր նախագահի պաշտոնում առաջադրվելու պլանների մասին։
Ֆրանսիայում նախագահական ընտրությունների երկու փուլերը նշանակված են 2017 թվականի ապրիլի 23-ին և մայիսի 7-ին։
