Հյուսիսկորեացի պաշտոնյան, որը պատասխանատու էր Փխենյանին արժույթի մատակարարման համար, կորել է եվրոպական երկրներից մեկում։ Օգոստոսի 19-ին այս մասին հայտնել է «Ռյոնհապ» լրատվական գործակալությունը։
Հղում անելով անանուն աղբյուրների՝ Հարավային Կորեայի զանգվածային լրատվամիջոցները պնդում են, որ խոսքը վերաբերում է Կորեայի աշխատանքային կուսակցության՝ այսպես կոչված 39-րդ բաժնի աշխատակցին, որը տնօրինում էր ամբողջ աշխարհում տարբեր տնտեսական գործառնություններից ստացվող արժութային մուտքերը:
Հաղորդագրության մեջ նշված է, որ տակավին այս տարվա հունիսին նա երկու որդիների հետ կորել է Եվրոպայի երկրներից մեկում, որի իշխանությունները նրանց պաշտպանություն են ապահովել: Առաջ են քաշվում չհաստատված ենթադրություններ, թե նա այդ երկրում աշխատել է վերջին 20 տարում և կորել է «միլիարդավոր դոլարներով, որոնք գտնվում էին նրա տնօրինության ներքո»։
