Minval.az-ի փոխանցմամբ՝ Ադրբեջանում չեն երկարաձգել պետական ենթակայության տակ անցած «Կովկաս» համալսարանի 50 թուրք դասախոսների հետ աշխատանքային պայմանագրերը՝ իսլամական քարոզիչ Ֆեթհուլլահ Գյուլենի ահաբեկչական կառույցի (FETÖ) հետ կապի պատճառով: Այս մասին հայտարարել է Բաքվի Նավթի բարձրագույն դպրոցի ռեկտոր Էլմար Գասիմովը:
«Աշխատանքից հեռացվածների թվում կան պրոֆեսոր, ամբիոնի վարիչ և դեկաններ: Նրանք բոլորն էլ Ադրբեջանը լքելու են մինչև ամսվա վերջ: Նրանց փոխարեն նշանակվել են տեղական կադրեր»,- ասել է նա:
«Կովկաս» համալսարանը ստեղծվել է 1993 թվականին, այն հայտնի է որպես Թուրքիայի սահմաններից դուրս FETÖ-ի առաջին ուսումնական հաստատությունը: Այդ բուհը պետական ենթակայության տակ է անցել հուլիսի 15-ին Թուրքիայում կատարված ռազմական հեղաշրջման փորձից հետո:
