Արգենտինայում կտուգանվեն այն առևտրականները, ովքեր չեն ընդունի նոր՝ 100 պեսո անվանական արժեքով թղթադրամները:
Նոր թղթադրամը շրջանառության մեջ է մտել դեռևս անցած տարվա սեպտեմբերին, սակայն բավականին սահմանափակ թվաքանակով: Այդ իսկ պատճառով հազվադեպ են դեպքերը, երբ ապրանքի դիմաց խանութներում վճարում են այդ թղթադրամով: Զարմանալի չէ նաև այն, որ որոշ վաճառակետեր հրաժարվում են ընդունել դրանք: Շշուկներ կան, որ դրանք կեղծելը բավականին հեշտ է: Այս մասին հայտնում է ITAR-TASS-ը:
Այդ առնչությամբ Արգենտինայի Կենտրոնական բանկը հայտարարել է, որ հաջակցություն այդ թղթադրամների՝ կդիմի ամենակոշտ քայլերի: Ցանկացած գնորդ, ումից չեն ընդունի թղթադրամը, կարող է զանգահարել հատուկ հեռախոսահամարով: Այդ դեպքում տուգանք կսահմանվի տվյալ վաճառակետի նկատմամբ: Իշխանությունները հայտնել են, որ նոր թղթադրամը պաշտպանության բազմաթիվ աստիճաններ ունի, և որ կեղծումների առնչությամբ անհանգստանալու կարիք չկա:
Թղթադրամի վրա պատկերված է Մարիա Եվա Դուարտե դե Պերոնը, որն Արգենտինայի պատմության մեջ մտել է որպես բնակչության աղքատ շերտերի պաշտպան: Նա հայտնի է իր բարեգործություններով: Նրա կերպարը կինոէկրանին անմահացրել է Մադոննան:
Նա եղել է Արգենտինայի նախկին նախագահ Խուան Դոմինգո Պերոնի (1895-1974) երկրորդ կինը: Պերոնը երեք անգամ զբաղեցրել է պետության ղեկավարի պաշտոնը:
Եվան մահացել է 1952 թվականի հուլիսի 26-ին՝ 33 տարեկանում: Մահվան պատճառը քաղցկեղն էր:
